Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 58.18 | Dem. 58.21 (English) | >>Dem. 58.24 |
58.20ἃς οὐδὲν ἧττον οἶμαι Θεοκρίνης ὀφείλει νυνὶ κατὰ τὸν νόμον . οὐ γὰρ ἐὰν Κτησικλῆς ὁ μέτοικος συγχωρήσῃ τούτῳ , πονηρὸς πονηρῷ , μὴ παραδοθῆναι τοῖς πράκτορσιν τὸν προσοφλόντα κατὰ τὸν νόμον , διὰ τοῦτο δεῖ τὴν πόλιν ἀπεστερῆσθαι τῶν ἐκ τῶν νόμων ἐπικειμένων ζημιῶν , ἀλλὰ προσήκει τοὺς ἀντιδίκους ὑπὲρ μὲν τῶν ἰδίων , ὅπως ἂν αὑτοὺς πείθωσιν , διοικεῖσθαι πρὸς ἀλλήλους , ὑπὲρ δὲ τῶν πρὸς τὸ δημόσιον , ὅπως ἂν οἱ νόμοι κελεύωσιν .
58.21καί μοι λέγε τόν τε νόμον , ὃς κελεύει τὸ ἥμισυ τοῦ τιμήματος ὀφείλειν τῷ δημοσίῳ ὃς ἂν δόξῃ μὴ δικαίως εἰς τὴν ἐλευθερίαν ἀφελέσθαι , καὶ τὴν τοῦ Κηφισοδώρου μαρτυρίαν .πῶς οὖν ἄλλως , ὦ ἄνδρες δικασταί , προσήκει τὸν δικαίως κατηγοροῦντα ἀποφαίνειν ὀρθῶς ἐνδεδειγμένον Θεοκρίνην τουτονί , καὶ μὴ μόνον ἔνοχον ὄντα τῇ ἐνδείξει κατὰ τὰς χιλίας ἐφʼ αἷς ἐνδέδεικται , ἀλλὰ καὶ πολλοῖς ἄλλοις ὀφλήμασιν ; ἐγὼ μὲν οὐδαμῶς νομίζω . οὐ γὰρ δὴ προσδοκᾶν γε δεῖ Θεοκρίνην αὐτὸν ὁμολογήσειν ὀφείλειν ὑμῖν τῷ δημοσίῳ καὶ δικαίως ἐνδεδεῖχθαι φήσειν , ἀλλὰ τοὐναντίον πάντα λόγον μᾶλλον ἐρεῖν καὶ πάσας αἰτίας οἴσειν , ὡς καταστασιάζεται , ὡς διὰ τὰς τῶν παρανόμων γραφὰς εἰς ταῦθʼ ἥκει .
Νόμος
Μαρτυρία
Νόμος
58.22
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 58.18 | Dem. 58.21 (English) | >>Dem. 58.24 |